Get Fit 2012 Session 3

January 28, 2012
Accomplice: John Paul Lipardo
Venue: Philsports - ULTRA, Track Oval

Eto na ulit! Sabado na naman! Sabog mula sa graveyard shift, ako, kasama si John Paul ay tumungo papunta sa Philsports - ULTRA, Track Oval para sa Get Fit 2012 Session 3. Mas masaya ngayon kasi, mas marami ang naging attendees. More attendees = More friends. Mukhang magiging maganda ang aming training session para sa ikatlong installment salamat sa HyperSports Philippines Inc.

Huwag na nating patagalin, basic fitness and running drills, basic fundamentals in sports training, general conditioning, injury prevention exercises, running techniques at socialization. Natututo ka na, may mga bago ka pang mga kaibigan.

Narito ang mga larawan ng nasabing Fitness Training para sa "Get Fit 2012"na theme ngayong taon. Ang iba diyan ay kuha mula sa Facebook Fan Page ng HyperSports Philippines Inc.

Narito naman ang aming naging circuit training at stretching para sa session na ito, yung iba, hindi ko kinaya, nanibago ang katawan ko^^

Hindi rin mawawala ang final bonding moments bago matapos ang nasabing session. Narito ang resulta ng fitness training - naging camera-crazy kaming lahat. Salamat sa makabagong teknolohiya, madali na natin maiimortalize ang mga ganitong pagkakataon.

Pagkatapos ng aming training ay sumaglit kami ni John Paul sa SM Megamall para sa aming hapunan, ang napili naming kainan ay ang walang kamatayang langhap-sarap, all time favorite bubuyog fastfood - Jollibee. Kinailangan naming umuwi kaagad pagkatapos ng hapunan na ito dahil kami ay tatakbo pa kinabukasan ng madaling araw para sa Grace to the Finish Fundraiser Run.