Sa Mata at Sa Puso ng Isang Bata

Ang mga bata, makulit, malikot, iyakin at higit sa lahat inosente at mapagmahal ng walang kundisyon. Lahat naman tayo ay dumaan sa pagkabata. Ang isa sigurong pinakamalungkot na bahagi ng buhay natin ay yung nawala ang ating pagka-inosente, nung nawala ang ating pagkabata. Kaya para sa akin, ang tunay na sikreto ng pagiging masaya ng isang tao ay hindi yung marami kang kayamanan o marami kang ari-arian, kung hindi kahit papaano ay  may naitabi pa tayong kapirasong pagkabata sa puso natin. Sana ay matuto tayong magmahal ng kapwa natin ng walang kundisyon at sana mula sa araw na ito ay matutunan nating harapin ang buhay sa mata at sa puso ng isang bata.