Run United 2 2012 - My First Attempt To Run a Half Marathon

June 17, 2012
Accomplices: John Paul Lipardo, Liezel Hermedilla, Rocel Poblete, Randy Arias, Ronreagan Canciller, Nino Mark Joseph Ili, Jerome Barba
Venue: SM Mall of Asia

Maulan ang Sunday na ito. May bagyo (daw). Walang problema. Sabi nga nila, Rain or Shine, the race will commence. Napasubo naman ata ako. Yan na lang ang nasabi ko sa sarili ko. Kung matatandaan ninyo, 10k ang aking normal distance. Pero sa pagkakataong ito, ako ay susubok na makatapos sa aking unang half-marathon.

At dahil ito ang aking first time, nakahanap ako ng isang magandang motivational para sa umagang ito - "Start unknown, finish unforgettable."

At nangyari na nga. Simulan natin na pagsunod-sunurin ang mga pangyayari. Maagang tinungo ang SM Mall of Asia para makasakay sa shuttle service papuntang Bonifacio Global City para doon simulan ang takbo.

Malakas ang ulan ng mga 2:30am hanggang mga 3:30am pero parang nakisama ang panahon at tumila nang bahagya ang nasabing ulan. Nagsimula ang 21k run nang umaambon na lang. At sa unang pagkakataon, wala akong masyadong larawan habang tumatakbo, bukod sa maulan na, gusto ko lang na matapos kaagad ang aking napiling category. At ganoon na nga ang nangyari, run-jog-walk ang naging strategy ko. Mabuti na lang at sagana ang hydration. Malamig na Viva Mineral Water at Powerade ang sumalubong sa bawat runner sa bawat hydration stations. Pagkatapos naman naming lumampas sa 10k mark, napakaraming saging at sponge naman ang bumati sa mga 21k runners. Kahit umuulan ay kailangan pa din natin ng sapat na hydration dahil pinagpapawisan pa din tayo, hindi lang natin masyadong nararamdaman dahil sa umuulan at malamig.

Ang aking initial estimated time of completion ay mga 03:15:xx; natapos ko ang aking run ng sobra sa aking estimation. Ang official result sa ibaba.

Source PDF File: from Unilab Active Health Page
Bib#: 3786
Gun Time: 03:46:43
Chip Time: 03:33:38
@5k: 00:37:29
@15k: 02:16:13
@20k: 03:20:39

Gaya ng nabanggit, wala akong masyadong picture sa unang 21k run ko bukod sa isang ito na kuha ni Dianne Salonga (Barefoot Curlydianne).

Maraming salamat sa mga photographer ng Unilab, may mga picture ako bago tumawid ng finish line. Narito ang tatlong nahanap ko sa website ng Unilab Active Health:

Wala akong masyadong napilahan na mga sponsor booth ngayon pero sinigurado ko na pagkatapos kong tumakbo ay nakapunta ako sa runner's lounge para naman makapag-stretching sa tulong ng mga volunteer Physical Theraphy students ng University of Santo Tomas, narito ang ilang mga kuha:

HIndi rin nagtagal, nagpapicture na din ako sa aking mga kasama sa araw na ito - ang mga kasama ko sa trabaho na sinuportahan ang unang half-marathon ko. Sila naman ay tumakbo sa 10k category. Sa susunod pinapangarap ko din na makasama silang tumakbo ng 21k :)

Ngayong nakatapos na ako ng isang half-marathon, napapanahon lang din ang pagkakapanood ko sa isag video clip at lalo akong namomotivite na makatapos pa ng ilang 21k run dahil sa sinabi ni Coach Rio Dela Cruz bago matapos ang clip - "Don't be afraid to exceed your limitations."

Masaya ako at napatunayan ko sa sarili ko na kaya ko pala. Kaya naman pagbubutihan ko sa susunod. Ang aking susunod (dapat) na 21k run ay sa Run United 3 na sa September, kaya lang nalaman ko lang nitong biyernes, June 30, 2012 na ako ay isinama pala sa mga tatakbo ng 21k sa July 8, 2012 para sa Get Fit Run 2012 (ang original registration ko ay 10k - dahil nalaman ng mga coaches ng HyperSports Philippines Inc. na nakatapos na ako ng aking unang half-marathon kaya marahil ay binigyan ako ng upgraded race kit. Kaya naman pala hanap kami ng hanap ng pangalan ko sa 10k ay nailipat na ako sa 21k. Magandang follow-up run na din ito at tamang-tama lang para sa aking mountain climbing adventure sa sumunod na Linggo.

Dahil unang 21k finish, dapat may solo picture ako kasama ang aking unang 21k medal at finisher shirt :)

Paumanhin sa late post, naging busy lang ako nitong nakaraang dalawang linggo pero ngayon ay unti-unti na akong makakabalik, tapos na kasi ang aming taunang Sports Fest.

Running for love ♥

Run United 1 2012

March 4, 2012
Accomplices: John Paul Lipardo, Liezel Hermedilla, Jayson Agustin, Kelyn Ascaño Das, Ronnel Castillo Sunga, John Paul Reginald Pabalate
Venue: SM Mall of Asia

Ito ay isang Sabado na hindi ako nakasali sa dapat sana ay Get Fit Session 7 ng HyperSports. Para naman hindi ako mabakante, isang short workout ang aking ginawa pagkauwi ko ng Sabado ng umaga, ang importante ay pagpawisan ako bago man lang matulog. Pagkadating sa bahay, nag-online muna sandali (na hindi ko napansin na inabot din ng apat na oras) at natulog na para sa aking takbo kinabukasan.

Eto na! Ang aking unang 10K run para sa taong 2012. Nararapat lang din na sa Run United 1 2012 ko gawin ang aking 10K debut para sa taong ito. At ganoon na nga ang aking ginawa. Ang aking fitness goal para sa Run United Trilogy ay 10K run sa Run United 1, 2 at 3 at pagkatapos ay aangat na sa 21K  sa darating na Philippine Marathon.

Dahil may bagong twist ngayong taon, kinailangan namin na pumunta ng maaga sa venue (sayang lang at may kasama kami na hindi nakapunta dahil masakit ang kanyang "ulo") upang magbigay ng suporta sa aing kasamahan na tatakbo ng 21K. Nagayon kasi ay nasa Bonifacio Global City ang starting line at sa SM Mall of Asia naman ang finish line ng mga 21K runners. Kailangan na maaga sa Mall of Asia para makasakay ng shuttle bus papuntang Bonifacio Global City.

At dahil maaga, minabuti na namin na mag photo-op sa lugar bago pa magdagsaan ang mga kalahok sa Active Health Expo. Narito ang mga kuha:

Pagkatapos ng dalawang oras ng paghihintay, sabay na nagsimula ang 10K at 5K categories sa magkaibang starting line. Maganda ang aking simula ngayon dahil nakaya kong tumakbo hanggang 2km nang tuloy-tuloy (kasalanan po ito ni Kelyn Ascaño Das dahil napasabay ako sa pacing niya ^_^) pero bago mag 3km ay nagpahuli na ako, sumakit kasi ang kanan kong paa at kailangan na hindi mapwersa ang kaliwang tuhod ko :)

Narito ang ilang kuha bago magsimula ang 10k run sa may starting line, hanapin na lang ninyo ako, madali naman akong makita :)

Pagdating sa 6km mark ay naisipan kong kumuha ng ilang "solo shot" habang ako ay nagpapahinga at lumalakad. Narito naman ang ilan:

Makalipas ang mahigit isang oras (unofficial time ko ay -  01:21:35) nakatawid na din ako sa finish line. Masaya ako dahil mas mabilis ito ng bahagya  kaysa sa aking huling 10K record na naitala noong November 13, 2011 - 01:29:08, iba talaga kapag inspired habang tumatakbo!

Narito naman ang picture ng aking pagtawid sa finish line :)

Nakita ko pa si JP (dalawa ang John Paul ngayon kaya tatawagin natin na JP ang isa) at magmula sa pagkakataon na ito ay nagsama muna kaming maglibot sa Unilab Health Expo pagkatapos na makuha ang finisher's kit. Siyempre, hindi mawawala ang photo-op sa pagkakataon na ito, ano pa nga ba, ang mga kuha:

Bonus moment! Isa na namang wedding proposal ang naganap sa isang race event. Mabuti na lang at natapos ako ng maaga at nasaksihan ko ang isang life-changing event. Ang sarap talagang magmahal ng isang taong mahal ka din, parang Rebisco - Ang sarap ng feeling mo! Sayang nga lang at hindi ako kaagad nakalapit sa eksena kaya nakuntento na lang ako sa pagkuha ng larawan sa may malaking screen sa stage :)

At hindi diyan nagtatapos ang aming umaga dahil nagkita na sa wakas, kailangan na may photo-op din para sa ibang kasama:

Mas naging masaya pa ang experience namin gahil nagkataon na maraming nagpapapicture kay Coach Rio Dela Cruz. Dahil mga walang-hiya, nagpapicture na din kami kasama siya, salamat sa pagiging accomodating Coach Rio :)

Marami ang nagrereklamo dahil sa nagtaas ang registration fees ng Run United Series. Para sa akin, ganito lang yan, kung ang pagtataas ng regitration fee ay magiging daan para maging quality ang isang event hindi naman siguro ito magiging masama sa paglipas ng panahon. More than anything, ang freebies at giveaways ay itinuturing natin dapat na secondary lang dahil ang sa akin lang ay yung "experience" ang mas mahalaga, priceless ito para sa nakararami. Naiintindihan ko na sa bawat event ay hindi mawawala ang mga magrereklamo dahil sa may irregularities pero dapat ang ating mga reklamo ay sa anyo ng isang constructive criticism.

Iba pang mga larawan ay nasa photo album ko sa FaceBook - Run United 1 2012 ang pangalan ng album :)

Ang aking results:

Overall 10k

Rank: 1609 out of 2395
Gun Time: 01:21:44
Chip Time: 01:21:34
@1.85Km mark: 00:12:01
@5.72Km mark: 00:45:13

Ang mga RunPix Analysis:

Link Here

Link Here

Link Here

Running for love ♥

Run United 3 2011 (Runrio Leg 3) - The Late Post!

November 13, 2011
Accomplices: John Paul Lipardo, Liezel Hermedilla

Venue: SM Mall of Asia

Late Post! One week after ng run, saka ko pa lang nai-post. Madyo busy sa trabaho at magiging busy pa dahil sa year-end surge ng files na for process ng aming team. Pero okay lang! Kasama sa challenges ng buhay yan gaya na lamang ng aming participation sa Run United 3 2011.

Ang normal kong distance ay 3K or 5K. Pero ngayong last leg ng RunRio Series for 2011, sa 10K run ako nagpalista! Si John Paul naman ay normal distance ang 21K, last November 6, 2011 sa Chevrolet-New Balance Power Run 2011 ay sa 25K category siya, ngayong last leg naman ay sa 32K category siya nagpalista.

Maaga kaming pumunsa sa SM Mall of Asia, sa Baclaran na kaming tatlo nagkita, nakapag-agahan na din ako bago pa dumating yung dalawa.

Pagdating sa MOA, naghanda na kami kaagad. Nagsuot ng Race Bib at nagdeposit ng bag sa Baggage Counter. Mannuna kasing tatakbo si John Paul sa 32K category, sunod naman ako at huli si Liezel.

At nangyari na nga, naunang tumakbo si john Paul, kami naman ay naglibot muna. Ang napili naming booth ay ang Enervon. Magandang buena-mana para sa akin, may libre akong Sports Utility Pouch from Enervon dahil ako ay kabilang sa mga 10K category participants.

Sa hindi inaasahang pagkakataon, nakasalubong ko ang ating Pambansang Kamao! No other than the one and only, Manny Pacquiao (mascot lang^^), November 13  din ang laban niya a kami naman ay tatakbo para sa Run United 3rd leg. Minsan lang ito kaya picture taking muna sa pambansang kamao.

Naglibot pa ng kaunti, at hindi nagtagal, oras ko naman para tumakbo. Pumunta na ako sa assembly area at naghanda para sa aking category. Mga kuha bago tumakbo at habang tumatakbo:

Takbo lang ng takbo, hindi rin nagtagal, natapos ko ang aking run. Nalampasan ko ang finish line at tumungo na kaagad sa finisher's area. Maganda ang finisher's kit ngayon, isang shoe bag na maraming bulsa :)

Narito naman ang mga pictures sa may activity area:

Pagkatapos ng run naglibot pa ng kaunti at hinintay na si Mr. 32K :D

Ilang sandali pa ay nagkita-kita na kami at naghanda para mag breakfast. Sa Mang Inasal na kami nag agahan, kailangan mabawi ni Mr. 32K ang  itinakbo niya sa Unlimited Rice. Nagregister na din kami pagkatapos para sa 35th Milo National Marathon Finals sa December 11, 2011. Nakakita pa ako ng Varsity Bag ng Runnr at bagong sandals sa Sandugo sa Toby's Arena, alam na! Sa darating na pasko pa naman^^

Official results nasa link na ito, download na lang ninyo ang category ninyo, PDF format naman ang document :)
RunRio.com

At ang aming official result:
Liezel Hermedilla (Overall 3k)
00:28:26 (Chip Time)
@1.55km 00:14:13
Category: Female A:18-34
Rank: 486/1112
Bib#: 21453

June Real (Overall 10k)
01:29:08 (Chip Time)
Category: Male A:18-34
Rank: 1665/2381
Bib#: 28356

John Paul Lipardo (Overall 32k)
04:56:03 (Chip Time)
@9.255km 01:05:32
@24.44km 03:38:23
Category: Male A:18-34
Rank: 1852/2039
Bib#: 39317

Masaya ako at natapos ko ang 10K, pagod, masakit ang mga binti pero ayos lang. sa mga nalalabing run ngayong taon, balik na lang ako sa 3K at 5K categories. Magpapaganda muna ako ng time bago bumalik sa 10K. Next Race - HSBC Fun Run 2011, sa November 26, 2011. Pass muna ako sa Takbo Para sa Pasig. Pahinga muna para sa unpredictable Thanksgiving Week!