PSE Bull Run 2012

January 8, 2012
Accomplice: John Paul Lipardo
Venue: Bonifacio Global City, Taguig

Ang aking unang fun run ngayong taong 2012. Galing sa 1st Birthday Party ng aking pamangkin na si Matthew Cedrick, Sabado ng hapon, January 7, nandito na naman ako sa Bonifacio Global City. Sabi ko nga sa nakaraang entry, Hectic! Pagkatapos ng fun run na ito ay ddiretso kami sa opening ceremony ng isang basketball tournament, mga 9:00am ng umaga. Pagkatapos ay may binyagan pa akong pupuntahan sa tanghali.

Tamang - tama lang. Hindi masyadong madami ang booth sa race village kaya naman pagkatapos ng aking takbo ay nakapaglibot ako kaagad at nakapagpahinga para sa opening ceremony ng aming basketball league.

Isang "light" breakfast sa may Century Tuna booth - tuna hotdogs! Pagkatapos ay naghanda na kami sa aming takbo. sa 5K category ako samantalang si John Paul ay sa 21K naman. Wala pang isang oras ay natapos ko na ang aking course :)

Ang aking official ranking at time:
Rank: 447 out of 1266
Gun Time: 00:39:03
Chip Time: 00:38:34

Narito naman ang ilang mga larawan kasama ang mga bagong friends:

Dahil si Yongsky ang kasama namin, hindi pwede na walang jump shot! Narito ang aming mga jump shots (na wala akong maisip na pose nung mga oras na iyon):

Pahinga lang ng kaunti, kumain ng breakfast sa Kentucky Fried Chicken sa Ayala station at tumungo na sa opening ng aming basketball league. Busy ang aking January dahil ang apat na Sunday ng nasabing buwan ay mayroon akong mga fun run, nadagdagan pa ng basketball league games. Ang saya! Mayroon akong outlet pagkatapos ng isang linggong nakaupo sa harap ng aking workstation sa trabaho.

Run United 3 2011 (Runrio Leg 3) - The Late Post!

November 13, 2011
Accomplices: John Paul Lipardo, Liezel Hermedilla

Venue: SM Mall of Asia

Late Post! One week after ng run, saka ko pa lang nai-post. Madyo busy sa trabaho at magiging busy pa dahil sa year-end surge ng files na for process ng aming team. Pero okay lang! Kasama sa challenges ng buhay yan gaya na lamang ng aming participation sa Run United 3 2011.

Ang normal kong distance ay 3K or 5K. Pero ngayong last leg ng RunRio Series for 2011, sa 10K run ako nagpalista! Si John Paul naman ay normal distance ang 21K, last November 6, 2011 sa Chevrolet-New Balance Power Run 2011 ay sa 25K category siya, ngayong last leg naman ay sa 32K category siya nagpalista.

Maaga kaming pumunsa sa SM Mall of Asia, sa Baclaran na kaming tatlo nagkita, nakapag-agahan na din ako bago pa dumating yung dalawa.

Pagdating sa MOA, naghanda na kami kaagad. Nagsuot ng Race Bib at nagdeposit ng bag sa Baggage Counter. Mannuna kasing tatakbo si John Paul sa 32K category, sunod naman ako at huli si Liezel.

At nangyari na nga, naunang tumakbo si john Paul, kami naman ay naglibot muna. Ang napili naming booth ay ang Enervon. Magandang buena-mana para sa akin, may libre akong Sports Utility Pouch from Enervon dahil ako ay kabilang sa mga 10K category participants.

Sa hindi inaasahang pagkakataon, nakasalubong ko ang ating Pambansang Kamao! No other than the one and only, Manny Pacquiao (mascot lang^^), November 13  din ang laban niya a kami naman ay tatakbo para sa Run United 3rd leg. Minsan lang ito kaya picture taking muna sa pambansang kamao.

Naglibot pa ng kaunti, at hindi nagtagal, oras ko naman para tumakbo. Pumunta na ako sa assembly area at naghanda para sa aking category. Mga kuha bago tumakbo at habang tumatakbo:

Takbo lang ng takbo, hindi rin nagtagal, natapos ko ang aking run. Nalampasan ko ang finish line at tumungo na kaagad sa finisher's area. Maganda ang finisher's kit ngayon, isang shoe bag na maraming bulsa :)

Narito naman ang mga pictures sa may activity area:

Pagkatapos ng run naglibot pa ng kaunti at hinintay na si Mr. 32K :D

Ilang sandali pa ay nagkita-kita na kami at naghanda para mag breakfast. Sa Mang Inasal na kami nag agahan, kailangan mabawi ni Mr. 32K ang  itinakbo niya sa Unlimited Rice. Nagregister na din kami pagkatapos para sa 35th Milo National Marathon Finals sa December 11, 2011. Nakakita pa ako ng Varsity Bag ng Runnr at bagong sandals sa Sandugo sa Toby's Arena, alam na! Sa darating na pasko pa naman^^

Official results nasa link na ito, download na lang ninyo ang category ninyo, PDF format naman ang document :)
RunRio.com

At ang aming official result:
Liezel Hermedilla (Overall 3k)
00:28:26 (Chip Time)
@1.55km 00:14:13
Category: Female A:18-34
Rank: 486/1112
Bib#: 21453

June Real (Overall 10k)
01:29:08 (Chip Time)
Category: Male A:18-34
Rank: 1665/2381
Bib#: 28356

John Paul Lipardo (Overall 32k)
04:56:03 (Chip Time)
@9.255km 01:05:32
@24.44km 03:38:23
Category: Male A:18-34
Rank: 1852/2039
Bib#: 39317

Masaya ako at natapos ko ang 10K, pagod, masakit ang mga binti pero ayos lang. sa mga nalalabing run ngayong taon, balik na lang ako sa 3K at 5K categories. Magpapaganda muna ako ng time bago bumalik sa 10K. Next Race - HSBC Fun Run 2011, sa November 26, 2011. Pass muna ako sa Takbo Para sa Pasig. Pahinga muna para sa unpredictable Thanksgiving Week!