Ang "Pagbabalik-loob"

After two weeks, nakabalik din ako sa gym. Ang sarap ng pakiramdam. Nagkasakit kasi ako ubo at sipon. Hindi ako nakatakbo sa The 35th Milo Marathon National Finals :(

Mabuti na lang ay nakabawi ako sa Don Henrico's Run Save a Life Today noong December 17 at sa Run 4 Change 2 noong December 18, back to back runs tapos walang training :)

At dahil nakabalik na ako sa gym dapat ay may souvenir shot ako sa aking "pagbabalik-loob", galing pa sa puyat yan dahil graveyard shift. Pasintabi na lang po!

Ready for the coming holidays, kailangan ng disiplina, dedication, commitment at inspiration para makamit ko ang mga health goals ko. Huwag lang silang maghahain ng paborito ko - ang spaghetti!

Don Henrico's Run Save a Life Today

December 17, 2011
Accomplice: John Paul Lipardo

Venue: CCP Complex Grounds

Maaga akong nakauwi galing sa trabaho. Sabado ng umaga ay nakatulog na ako kaagad ng mga 8:00am. Ang assembly time sa CCP complex ay 3:00pm, ang gunstart naman ay 4:00pm. Dapat makakuha kahit 4 hours ng tulog.

Maaga kaming tumungo sa CCP Complex dahil sa inaasahang traffic sa may Baclaran. Sumobra nga lang ang aga ng dating namin. 2:00pm pa lang ay nasa CCP Complex na kami. Napagpasiyahan na lang namin na dumaan sa A Runner's Circle sa intersection ng Roxas Boulevard at Quirino Avenue para makakita ng mga bagong running gear. Hindi nga kami nabigo. May bagong nilabas na Dri-Fit na shirt na mabibili lang sa halagang 220 pesos, hindi na masama :)

Pagkatapos ng ilang sandali pa, tumungo na kami pabalik sa CCP Complex para makapag check-in na sa baggage counter at makapaglibot sa Race Village at makapag picture-taking. Sa kinasamaang-palad, naging maulan ang Sabado ng hapon na ito at hindi na kami nakapag-picture taking ng marami. Narito ang ilang mga kuha habang inuulan ang race village.

Dahil maulan, hindi na rin ako nakakuha ng mga larawan habang ako ay tumatakbo. Natapos ko ang 5K category (unofficial time) sa loob ng 0:35:55. Nakuha ko ang aking complimentary water at tumungo na kaagad sa free pizza pagkatapos kong tumawid sa finish line. Habang hinihintay ko ang kasama ko na tumakbo sa 10K, nakapaglibot naman ako sa race village at nakakuha ng ilang mga larawan habang mahina ang ulan.

Pagdating ng kasama ko, kinuha lang niya ang mga freebies at kumuha na kami ng souvenir shots bago tumulak papauwi. Hindi na kami nagtagal dahil may isa pa kaming takbo kinabukasan ng madaling-araw sa Taguig. Ito ang Run for Change 2 na gaganapin sa McKinley Hill. Iniiwasan na din namin ang metro traffic dahil sa Christmas Rush na tinatawag.

Hindi na din namin pinansin ang personal record para sa event na ito - ang aming huling fun runs ngayong 2011 ay parehong for a cause kaya ayos lang kahit anong mangyari, ang importante ay natapos namin ang aming category :)