Run 4 Change 2

December 18, 2011
Accomplice: John Paul Lipardo

Venue: McKinley Hill, Taguig

Hindi pa nakakarecover mula sa Don Henrico's fun run, nasa kalsada na naman kami ng aking kasama para naman tapusin ang running calendar para sa taong 2011 sa pamamagitan ng paglahok sa Run for Change 2.

Maaga kaming nakarating sa McKinley Hill (muntik pang maligaw) kaya naman kami ay nakapag-libot at picture taking kaagad. Umaambon pero ayos lang, maganda ang panahon sa pagtakbo.

First time ko na tumakbo sa uphill/downhill course kaya naman mas matagal kong natapos ang aking category sa pagkakataong ito. Masaya pa din ako dahil sa wakas ay naranasan ko na din ang mna-miss ko sa Nathan Ridge Run noong November 20, 2011.

Masaya ang event dahil kahit hindi ganoon karami ang mga lumahok, ang pakiramdam pa din ay marami kami at parang matagal nang magkakakilala. Isa pa, ang event na ito ay for a cause kaya naman ang feeling na aming nararamdaman ay walang kapalit. Dahil maulan din, hindi na ako nakapag picture-taking along the course. Binawi ko na lang sa aking pagbalik. Narito ang ilang larawan ng event at ng mga partner booths.

At narito ang ilang kuha ng running buddies in action (salamat sa Angelo's Photography):

Masarap ang pakiramdam na nakatulong ka na sa iba, natulungan mo pa ang sarili mo na maging fit sa pamamagitan ng paktakbo! Ito na ang aking huling running event sa taong 2011, kailangan kong paghandaan ang 2012!

Don Henrico's Run Save a Life Today

December 17, 2011
Accomplice: John Paul Lipardo

Venue: CCP Complex Grounds

Maaga akong nakauwi galing sa trabaho. Sabado ng umaga ay nakatulog na ako kaagad ng mga 8:00am. Ang assembly time sa CCP complex ay 3:00pm, ang gunstart naman ay 4:00pm. Dapat makakuha kahit 4 hours ng tulog.

Maaga kaming tumungo sa CCP Complex dahil sa inaasahang traffic sa may Baclaran. Sumobra nga lang ang aga ng dating namin. 2:00pm pa lang ay nasa CCP Complex na kami. Napagpasiyahan na lang namin na dumaan sa A Runner's Circle sa intersection ng Roxas Boulevard at Quirino Avenue para makakita ng mga bagong running gear. Hindi nga kami nabigo. May bagong nilabas na Dri-Fit na shirt na mabibili lang sa halagang 220 pesos, hindi na masama :)

Pagkatapos ng ilang sandali pa, tumungo na kami pabalik sa CCP Complex para makapag check-in na sa baggage counter at makapaglibot sa Race Village at makapag picture-taking. Sa kinasamaang-palad, naging maulan ang Sabado ng hapon na ito at hindi na kami nakapag-picture taking ng marami. Narito ang ilang mga kuha habang inuulan ang race village.

Dahil maulan, hindi na rin ako nakakuha ng mga larawan habang ako ay tumatakbo. Natapos ko ang 5K category (unofficial time) sa loob ng 0:35:55. Nakuha ko ang aking complimentary water at tumungo na kaagad sa free pizza pagkatapos kong tumawid sa finish line. Habang hinihintay ko ang kasama ko na tumakbo sa 10K, nakapaglibot naman ako sa race village at nakakuha ng ilang mga larawan habang mahina ang ulan.

Pagdating ng kasama ko, kinuha lang niya ang mga freebies at kumuha na kami ng souvenir shots bago tumulak papauwi. Hindi na kami nagtagal dahil may isa pa kaming takbo kinabukasan ng madaling-araw sa Taguig. Ito ang Run for Change 2 na gaganapin sa McKinley Hill. Iniiwasan na din namin ang metro traffic dahil sa Christmas Rush na tinatawag.

Hindi na din namin pinansin ang personal record para sa event na ito - ang aming huling fun runs ngayong 2011 ay parehong for a cause kaya ayos lang kahit anong mangyari, ang importante ay natapos namin ang aming category :)