PSE Bull Run 2012

January 8, 2012
Accomplice: John Paul Lipardo
Venue: Bonifacio Global City, Taguig

Ang aking unang fun run ngayong taong 2012. Galing sa 1st Birthday Party ng aking pamangkin na si Matthew Cedrick, Sabado ng hapon, January 7, nandito na naman ako sa Bonifacio Global City. Sabi ko nga sa nakaraang entry, Hectic! Pagkatapos ng fun run na ito ay ddiretso kami sa opening ceremony ng isang basketball tournament, mga 9:00am ng umaga. Pagkatapos ay may binyagan pa akong pupuntahan sa tanghali.

Tamang - tama lang. Hindi masyadong madami ang booth sa race village kaya naman pagkatapos ng aking takbo ay nakapaglibot ako kaagad at nakapagpahinga para sa opening ceremony ng aming basketball league.

Isang "light" breakfast sa may Century Tuna booth - tuna hotdogs! Pagkatapos ay naghanda na kami sa aming takbo. sa 5K category ako samantalang si John Paul ay sa 21K naman. Wala pang isang oras ay natapos ko na ang aking course :)

Ang aking official ranking at time:
Rank: 447 out of 1266
Gun Time: 00:39:03
Chip Time: 00:38:34

Narito naman ang ilang mga larawan kasama ang mga bagong friends:

Dahil si Yongsky ang kasama namin, hindi pwede na walang jump shot! Narito ang aming mga jump shots (na wala akong maisip na pose nung mga oras na iyon):

Pahinga lang ng kaunti, kumain ng breakfast sa Kentucky Fried Chicken sa Ayala station at tumungo na sa opening ng aming basketball league. Busy ang aking January dahil ang apat na Sunday ng nasabing buwan ay mayroon akong mga fun run, nadagdagan pa ng basketball league games. Ang saya! Mayroon akong outlet pagkatapos ng isang linggong nakaupo sa harap ng aking workstation sa trabaho.

Happy 1st Birthday Matthew Cedrick Gimenez

January 7, 2011

Jollibee Ortigas-Roosevelt

1:00pm to 3:00pm

Hectic. Ito ang salitang maaring makapag-bigay ng magandang pagsasalarawan ng aking January 7-8 weekend. Isa-isahin natin ang aking weekend agenda.

Sabado: Dadalo sa unang kaarawan ng aking pamangkin mula sa Singapore sa Jollibee Ortigas-Roosevelt. Ako ay manggagaling pa mula sa graveyard shift.

Linggo: Tatakbo sa unang fun run ngayong 2012, ang PSE Bull Run 2012 sa Bonifacio Global City, ilang sandali lang pagkatapos ng nasabing fun run ay didiretso naman ako sa opening ceremony ng 1st Sipat Basketball League at pagkatapos naman ay uuwi sa San Pedro upang dumalo sa isang binyagan.

Hectic!

Sa madaling-sabi, pagkatapos ng aking shift mula Biyernes ng gabi, ako ay tumulak na papuntang Ortigas. Mga alas-onse ako umalis sa Alabang. Tamang-tama lang ang dalawang oras na palugit. Hindi naman siguro ako maiipit sa traffic.

Hindi nga ako nahuli sa okasyon, sa katunayan, ako ang unang nakapirma sa Guest Log Book. Dahil maaga akong nakarating, maraming picture akong nakuha sa aking inaanak pero sa kasamaang-palad, ayaw niyang sumama sa akin. Kinailangan kong maging mapamaraan. Ito ang aking "desperate" move para magkaroon kami ng picture ng aking pamangkin.

Unti-unti na din nagsipagdatingan ang mga panauhin. Ako naman ay panay ang picture sa mga kung ano-anong bagay at iba pa. Narito ang ilan sa mga nakuha kong mga larawan ng aking pamangkin at ng kanyang Ate Kayla:

 

Narito pa ang ibang kuha sa paligid ng nakuhang activity area ng aking pinsan:

Papayag ba ako na walang picture kasama ang cake? Dapat mayroon :)

Ang proud parents, Daddy Marvin and Mommy Lalaine with Cedrick :)

Ang simula ng activities at mascot appearance:

Natural, hindi ako makakapayag na wala kaming picture ni Jollibee!

Sulit at Masaya! Ang dalawa pang salita na makakapaglawaran ng aking Sabado. Sulit dahil kahit pagod ako at puyat, nagkita ulit kami ng pinsan ko (matagal-tagal na din noong huli kaming nagkita ni Kuya Marvin, sa Singapore kasi siya nagtatrabaho kasama ang anyang pamilya). Nakita ko na din sa unang pagkakataon sa personal ang aking pamangkin na si Cedrick. Masaya dahil karamihan ng miyembro ng REAL at GIMENEZ family ay dumalo at sinuportahan ang nasabing unang kaarawan ni Cedrick. 

Minsan ko lang makasama ang aking mga kamag-anak. Ang dalawang oras na nakalaan ay napasaya, minsan lang kaming magkasama-sama pero parang hindi kami matagal na hindi nagkikita. Iba talaga kapag kasama mo ang iyong pamilya.

"It's not the food, its the bonding." at "Happy moments are meaningless if you can't share them with those you love." Yan lang ang masasabi ko. Yan ang nagagawa ng "praying together" dahil kami ay "staying together". Lubos talagang pinagpala ang aming pamilya, salamat sa Diyos.