Chevrolet-New Balance Power Run 2011

November 6, 2011
Accomplices: John Paul Lipardo, Liezel Hermedilla, Kelyn Ascaño Das, Jayson Agustin

Venue: Bonifacio Global City, Taguig

Ito na ang pangalawa sa back-to-back races ko para sa weekend ng November 5-6, 2011. Kakatapos ko pa lang sa Energizer Night Race 2011, sabado ng gabi, nandito na naman ako sa Bonifacio Global City para naman sa Chevrolet-New Balance Power Run 2011. Kung sa Energizer ay 3K ang tinakbo ko alang-alang sa libreng headlamp, dito naman ay kailangan kong matapos ang 5K na route para maging eligible sa raffle ng isang brand new car - Chevy Cruze!

Maaga kaming tumungo pabalik sa Bonifacio Global City. Dumiretso sa baggage counter at naghanap ng masisilungan. Naunang tumakbo ang 25K at 10K categories. Ang 5K category ay sponsored pa ng Dole Pineapple :) Nakakita pa tuloy ako ng dancing Pineapple Mascots habang naghihintay ng gunstart sa ilalim ng ulan. Mga kuha habang naghihintay na tumakbo ang 5K category:

Kung maulan noong Sabado ng gabi, MAS MAULAN ang Linggo ng umaga! Pinag warm-up pa kami sa ilalim ng ulan. Ang saya. Mas nadagdagan ang saya dahil may kasama kaming mga dancing pineapple!

Hindi rin nagtagal, nagsimula na din tumakbo ang mga 5K runners, mga 5:50am kami nagsimula at ang cut-off ay 1 hour. Hindi naman siguro ako aabutin ng 1 hour kaya naman nagsumikap ako na makakuha ng magandang head time sa unang dalawang kilometers para naman kung magpapahinga ako ay kaunting oras na lang ang kailangan kong bunuin para matapos ang nasabing category. Gaya din noong sabado ng gabi, hindi ako nakapag picture ng mga runners na kasabay ko sa kadahilanang umuulan.

Mukhang nakatulong ang ulan dahil malamig at hindi ko masyado nararamdaman na napapagod ako, hinihingal pero hindi ramdam ang pagod. Sinamantala ko ang pagkakataon na ito para tapusin ng mas maaga ang race. Okay na sana ang lahat pero pagdating sa 4th kilometer ay may isang lugar na hindi maiiwasan na may mababaw na baha, napilitan ang lahat ng runners na lumusong para matapos ang race. Pagkalampas sa baha ay bumigat ang sapatos ko dahil pinasok ng tubig, kaya naman sa huling 500 meters na ako nakatakbo patungo sa finish line. Mga picture ng simula at patungo sa finish line:

 

Hindi na din ako nag-aksaya pa ng oras, pagkatawid sa finish line, tinungo ko kaagad ang finisher's area. Nalaman ko din na namimigay ang Dole Pineapple ng free singlet sa unang 1,500 na 5K runners pinilahan ko din kaagad ang kanilang booth, sayang nga lang at walang size ko pero kinuha ko pa din yung free na singlet. Pagkatapos ng free singlet ay naghulog na ako ng raffle entry para sa brand new car. Narito ang ilang pictures sa activity area at sponsor's booths:

Pagdating naman ni John Paul, picture taking kami sa mga cars habang naghihintay ng mananalo ng bagong car.

Ang swerte ng nanalo ngbagong car! Sayang hindi ako yun^^ Okay lang, ang importante natapos ko ang run ko. Salamat RunRio.

Pagkatapos ng raffle, dumaan naman kami sa bagong botique ni Coach Rio - ang Riovana Philippines - The Premiere Running and Lifestyle Hub in the Philippines. Dapat may picture ako sa harap ng store na bagong bukas!

Official results galing sa mga link na ito:
PinoyFitness.com

At ang aming mga resulta:
June Real (Overall 5k)
00:40:51 (Chip Time)
@3km 00:24:10
Category: Male Open
Rank: 783
Bib#: 7253

John Paul Lipardo (Overall 25k)
03:11:59 (Chip Time)
@4.78km 00:30:55
@14.33km -
Category: Male Open
Rank: 841
Bib#: 109

Dito naman ang runpix race analysis (with stats)

RunPix Site

Nakakapagod pero masaya! Isang hindi malilimutang weekend ito para sa akin. Ipinaalala ng dalawang races na ito ang aking pagkabata, tumatakbo sa ulan!

Energizer Night Race 2011

November 5, 2011
Accomplices: Joel Lemitares, John Paul Lipardo, Liezel Hermedilla, John Dimaranan, Paul Biduya and friend Juls (di ko natandaan yung complete name)

Venue: Bonifacio Global City, Taguig

Busy weekend. Ito lang ang masasabi ko. Dahil sa hindi inaasahang pagkakataon, nagkasabay-sabay ang mga agenda ko sa weekend ng November 5-6, 2011. Isang grand EB para sa mga online gamers at dalawang Fun Run ang mga naging agenda ko para sa nasabing weekend. Ganito ang naging schedue ko:

❒ November 5 (Morning) - Attend sa Level Up Live 2011 sa World Trade Center sa Pasay City
❒ November 5 (Night) - Attend sa Energizer Night Race 2011 sa Bonifacio Global City
❒ November 6 (Morning) - Attend sa Chevrolet-New Balance Power Run 2011 sa Bonifacio Global City

Ganito ang naging schedule ko. Ang naging tulugan ko ay ang mga pampasaherong sakayan. Pero sabi nga ng iba, "Minsan lang ito." (Pero mukhang mapapadalas na ako ah) Ang naging sagot ko na lang sa kanila ay "Hindi na baleng pagod ako, masaya naman."

At ganoon na nga, pinanindigan ko ang aking desisyon na salihan ang lahat ng nabanggit sa itaas.Unahin natin ang isa sa dalawang races na sinalihan ko , ang Energizer Night Race 2011.

"Alang-alang sa libreng headlamp." Ito ang aming naging motivation para sumali sa naturang night race. Hindi na masama ang libreng head lamp na siya rin namang magagamit namin sa tuwing umaakyat kami sa bundok. Yun nga lang, hindi ko inaasahan na magiging isang araw na lang ang celebration  (itinaon pa nila na Sabado ganapin) para sa Level Up Live 2011. Ang original plan ko kasi ay didiretso sana sa nasabing grand EB para sa mga online gamers pagkatapos kong tumakbo sa Chevrolet-New Balance Power Run 2011. Time management (kaunting swerte na din) na lang ang tanging naging sandata ko para maka-survive sa November 5-6 na weekend.

Mga dalawang oras ng tulog ay tumungo ako sa Starmall sa Alabang para makipagkita sa mga makakasama ko sa night run. Hindi rin naman kagandahan ang klima (at ang forecast para sa Sabado at Linggo) pero pinili pa din namin na tumungo para makilahok. Mga picture sa bus papunta sa Bonifacio Global City:

Tamang-tama lang ang dating namin sa venue dahil may oras pa kami para makapaghanda at makapag warm-up at kaunting picture-taking. Ang mga hard evidence:

Alright! Pagkatapos ng ilang sandali ay tinungo na namin ang baggae counter para iwan ang aming mga bag at naghanap ng portalet. Mga ilang sandali lamang ay nagkaroon ng maikling fireworks show sagisag ng pagsisimula ng event. Ilang mga kuha ng fireworks (hirap makakuha ng magandang timing eh, pasensiya na po, ang bilis ng mga pangyayari!):

Pagkatapos ng fireworks display, sa starting line naman ang tungo namin. Napakagandang pagmasdan ng mga runners, sama-sama at suot ang mga headlamp (mining industry? mga alitaptap? HAHA). Isang pagsasalarawan ng UNITY. Masaya ako dahil pinili kong maging part ng isang event for a good cause. Mga kuha naman sa starting line habang hinihintay ang gunstart:

 

Dahil maulan, hindi ako masyadong nakakuha ng mga picures. Pinagtuunan ko na lang ng pansin ang matapos ng maaga ang 3K run sa kadahilanang tatakbo pa ulit ako ilang oras lang ang pagitan, Linggo ng umaga sa 5K category sa Chevrolet-New Balance Power Run 2011 dito rin mismo sa Bonifacio Global City.

Hindi rin naman ako nabigo. Natapos ko ng mas maaga ang 3K run na ito. Nakatulong siguro ang malamig na klima, hindi gaanong nakakapagod sabi nga nila.

Event: 3 km
Bib Number: 30546
Race Time: 00:29:04
Race Pace: 00:09:41

Mas mabilis ng kaunti sa old record ko sa Run United 2 - 00:33:23

Pagkatapos ng race ay diretso naman kami kaagad sa aming meeting place para makapagpalit ng damit at makapaghanda na umuwi. Ito na rin ang ginamit naming pagkakataon para dumaan sa Pinoy Fitness booth para sa limited edition PF shirts in collaboration with The Perfect White Shirt. Ang napiling model, walang iba kung hindi si.........

Hindi rin naman kami magpapahuli sa picture taking with the Energizer mascot!

Official results galing sa mga link na ito:
PinoyFitness.com

At ang aking resulta:
June Real
Event: 3 km
Bib Number: 30546
Race Time: 00:29:04
Race Pace: 00:09:41

Pagkatapos ng photo-op sa Energizer mascot ay naglakad na kami papunta sa Market! Market! para naman kumain sandali bago umuwi. Ang napiling kainan ay Chowking (na malapit na ding magsara!). Pagkatapos ng isang late dinner ay umuwi na kami para naman ako ay makapaghanda para sa isa pang takbo, Linggo ng madaling-araw. Parang umuwi lang ako para umidlip ng dalawang oras (na naman!) at bumalik sa Bonifacio Global City para naman makilahok sa Chevrolet-New Balance Power Run 2011.

Now that's Positive Energy!