Movie Time Plus Rated PG (Patay-Gutom) The 18th Wave

November 30, 2011
Accomplices: Charlie Kate Bercasio, Sophia Dela Rama, Alvin John Tolentino

Venue: Alabang Town Center

Napagkasunduan, movie time bago pumasok. Ang setting, Alabang Town Center para daw maayos ang panonood kasi may oras na sinusunod. All set na. Dapat sana ay magpapareserve sa sureseats na site kaya lang may "Reservation Fee" pa na nalalaman kaya naman ako nag napiling "volunteer" para bumili ng ticket ng maaga.

Ang napiling pelikula - Happy Feet 2 (in 3D). Sa totoo lang, ito ang unang beses ko na makakapanood ng 3D Movie. Ang rating para sa una kong 3D experience ay - Two Thumbs Up! Hindi ko aakalain na mag-eenjoy ako. Talagang malayo na ang naging technological advancement sa film industry. Parang gusto ko tuloy na manood ng Avengers Movie sa susunod na taon ng 3D (kung mayroon). Enjoy! Sulit ang pagiging late :)

Hindi na nga gaanong napansin ang baon naming popcorn, (isang bucket pa naman) masyado kaming nalibang sa pinanonood namin^^

Pagkatapos ng pelikula, isang remembrance shot para sa dalawang angels with their 3D glasses na gustong iuwi:

Sunod naman naming hinanap ay ang makakainan bago pumasok sa trabaho. Ang malapit - Mc Donald's ATC. Quick snack lang at short photoshoot  with the Mc Donald's mini toys and our snack bago pumasok. Kaunting kwentuhan habang kumakain. At paghahanda para sa susunod na 8 hours para sa aming shift. Ang mga evidence:

Hindi halatang mga walang gaanong tulog (look at the eyes)

 

Model ng Taters

 

Tapos na po ang Halloween

 

Nice Earrings!

The baby and the mothership

The snack :)

 

The Toys^^

 

Sarap maging bata :p

Tamang-tama lang ang dating namin, 11:00pm, sinimulan ang shift ng masaya, tinapos din ng masaya. Puyat, pagod, pero MASAYA. Sana palaging ganito, MASAYA!

Rated PG (Patay-Gutom) The 10th Wave

July 30, 2011
Accomplice: Sophia Dela Rama
Venue: Kentucky Fried Chicken, Alabang Town Center

Sabado ng umaga. Maulan, pero hindi naman malakas. Dahil month-end, hindi maiwasan na madaming trabaho nung gabi ng July 29, 2011 hanggang sa kinaumagahan ng July 30, 2011. Nag-overtime ako at ang ilan sa mga kasama ko sa trabaho. Sa mga kasama ko sa trabaho, may isang kasamahan na  "nagpresinta" na samahan ako sa pagbili ng bagong sapatos. Eh ano pa nga ba? Dahil desidido na itong batang ito na samahan ako sa pagbili ng bagong sapatos, dumiretso kami sa Alabang Town Center pagkatapos ng overtime namin.


Ganito na ang mga sumunod na nangyari, pagdating sa mall, withdraw ng pambili ng sapatos, diretso agad sa Athlete's Foot, nagsukat ng napiling sapatos at umakyat na kaagad sa Kentucky Fried Chicken. May ilang araw na rin akong kinukulit ng batang ito na kumain ng Tower Burger. Nagkaroon ng pagkakataon kaya naman hindi na nagdalawang-isip na samahan ako sa pagbili ng bagong sapatos, tutal, nag-overtime naman din siya, tamang-tama ang paglabas namin sa trabaho, bukas na ang mall.


Hindi na din namin pinatagal ang usapan, mabuti na lang dahi kabubukas pa lang ng mall, kakaunti pa lang ang tao. Maikli ang pila pagdating namin sa KFC. Order na agad, kuha ng magandang pwesto at "kaunting" picture taking for our good memories, baka matagalan pa bago kami makaulit makakain ng ganitong burger. Large fries, panalong kasama ng isang malaking burger. Eto po ang mga hard evidence ng Rated PG 10th wave:

Ang hinamon: Dalawang Order ng KFC Tower Burger na may kasamang Large French Fries

Hindi kami nagpasindak, hindi naman kami nag 2nd break eh^^

Thumbs up para sa bagong experience!

Pia: "Take-out na lang kaya?"

Nanaig na ang animalistic traits, mukhang sasakmalin na yung burger.

Pia: "Hindi pala take-out, dito na lang"

Last One! Bago mag attack mode

Pagkatapos ng picture taking bago kumain, naka "attack" mode na kaming dalawa. Dahil makapal ang burger (Original Recipe Chicken Fillet, slice of Cheese, Hash Brown, Lettuce and Mayo dressing), medyo nahirapan ako sa diskarte kung papaano kakainin. Pero, dahil hindi ako nag 2nd break at feeling "PG" na talaga, nag-"freestlye" na lang ako. Bahala na, basta maubos ko ang burger. Nahuhulog ang mga lettuce pero okay lang, salo naman ng lalagyan ng burger, balikan ko na lang. Muntik ko na nga makalimutan na may large french fries pa ako! Si Pia, ganoon na din, nag-"freestyle" na din.


Natapos ang matinding bakbakan. Nanalo kaming dalawa. Mga pictures pa, bago matapos kumain at pagkatapos kumain. Nasabi ko habang nagpapahinga kami, "Sana palaging ganito, ang sarap mabusog"

Malapit na maubos, mukhang hindi mauubos ah!

Habang nagpapahinga

Ayos yung lalagyan, yung likod parang may SMILEY!

Busog na, inaantok na!

Nakatulog na!

Puyat + Busog = Tulog

Parang ako din makakatulog!

Okay na Okay! Tamang-tama para sa isang malakas kumain na tulad ko!

Hindi pa kami nakuntento. Dahil busog pa, nagpahinga kami tapos picture ulit sa lalagyan ng burger. Baka nga kas matagalan bago maulit ito eh ^_^; pati lalagyan tuloy napagtripan pa.

Salamat kay Pia at sa "pagpresinta" niya na samahan ako sa pagbili ng bagong sapatos. Mas maganda pa din na may kasabay na kumain, lalo na kapag ganito kasarap ang kakainin, may kakwentuhan ka na, may lookout ka pa sa mga panalong mga girls na nasa mall, parang may radar itong kasama ko eh; turo ng turo sa mga dumadaan na girls. Sa December ulit^^ (joke lang).

Oo nga pala, ang final verdict ko sa bagong sandwich ng KFC - panalo! Sulit na para sa price ng sandwich, masarap naman kasi. Mas magandang kainin ito kung gutom na gutom.